小店主要做外賣生意, 主打港式地道小食, 再加入小店自創嘅特色小食~ 全部食物都係自家製, 即叫即做, 價錢亦相當親民!
我今次就買咗幾款小食帶返屋企同屋企人分享~
《炸煎黑毛豬肉糭》
自家製豬肉炸糭, 即叫即炸, 好香口! 賣相好似炸薯餅, 外層好香脆, 裡面有糯米及黑毛豬肉, 黑毛豬肉肉質軟熟, 呢個好好味😋、有驚喜, 推薦👍🏻!
《煎•老祖秘傳蘿蔔糕》
蘿蔔糕厚薄適中, 表面煎至金黃色, 好香口, 唔太油膩。夾起嚟唔易鬆散, 口感濕又柔軟, 配上甜辣醬, 味道層次更豐富!
《淨老祖•黑松露炒蛋》
用日本蛋🥚快炒, 再混入黑松露醬, 炒蛋炒得好嫩滑, 底下仍留有蛋汁, 蛋味重, 黑松露味亦超香呢!
《自家製即磨豆漿》
樽裝設計, 方便攜帶, 少糖所以唔會太甜, 豆漿香滑順口, 豆味好香!
《XO醬·怒炸金龍燒賣》
炸後皮脆香口, 別有一番風味! 加埋XO醬, 微辣, 更惹味!
📍地址: 西關老祖 (佐敦)
佐敦文苑街18號文苑樓地下18B號舖
Sai Kwan Lo Jo 西關老祖
Search